પિતાનો હોય સદા માથે હાથ

હે..જી..

માતા વરસાવે હેત ઝાઝા ને પિતા તો આપે સદાય હૈયે હામ.

વ્હાલ તણી એ વેલરી, જીવનમાં સદા વરસે એના આશીર્વાદ.

જો. ને, 

તપે જો બાળક પર તોય તાપ હોય એનો સૂરજ સમાન,

ગુસ્સામાં પણ હોય હિત સંતાન કેરું, સાચો ઈ પાલનહાર.

જો ને. 

પુત્ર ભલે છોડે બાપને પણ પિતા કદી મેલી દીયે પુત્રની સંભાળ,

વ્હાલ સાચું એના હૈયે વરસે, એટલે જ ગણાય પિતા ભગવાન.

હે. જી.. 

માણસ ભલે મોટા બને પણ ભૂલે નહીં પિતા કેરો ઝાઝો પ્યાર 

સામે મળે બાપ તો ઝૂકે નયન ઈ જ સાચા પુત્રની ઓળખાણ.

હે.. જી...

પૂજીએ ચરણ સદા પિતા કેરા, નિત્ય નમન કરી કરીએ બીજા કામ,

દુઃખ ન હોય કદીય જગમાં એને, જેને માથે હોય પિતાના આશીર્વાદ.