જીવનસાથી

આ સંબંધમાં શબ્દોની ક્યાં જરૂર છે ?

આંખોનું મિલન સર્વસ્વ કહી આપે છે !

હાથોનો સ્પર્શ સઘળુંય સમજાવે છે !

અહેસાસ માત્ર દિલને પ્રસન્ન કરે છે !

વિચાર માત્રથી મુખ પર સ્મિત પ્રસરે છે !

હસ્ત લકીર પરસ્પર જોડાયેલી છે !

આંખોમાં તસ્વીર એકબીજાની જ છે !

મારો શૃંગાર પણ તમારા નામનો જ છે !

ક્યારેક વિચારું છું આતે કેવો સંબંધ છે ?

દર્દ એકનો પણ અહેસાસ બેઉ કરે છે !

સપના એક ના પણ પૂરા બંને કરે છે !

કદાચ આ જ જીવનસાથીની વ્યાખ્યા છે !

ઈશ્વરે જોડેલો આ પવિત્ર એક સંબંધ છે !

પરિવાર જ એમાં નિમિત્ત બન્યો છે !

સાત જનમોનો આ એક સુંદર સફર છે !

અને આપણે એને અતૂટ બનાવ્યો છે !