છોકરી

અચાનક મેળામાં નજરે ચડી શ્વાસનાં પર્યાય જેવી છોકરી,

જાણે મારા જ જીવન ગ્રંથનાં છેલ્લા અધ્યાય જેવી છોકરી !

બસ તે'દિ થી આજ સુધી સતત મધુર સ્મરણ જ એનું થાય,

મનમાં રોજ મારી પ્રાર્થનામાં આવે સ્વાધ્યાય જેવી છોકરી !

નજરથી ચૂમી એને ને થઈ ગયો એક હસીન ગુનો,

ને કરમની કોરટમાં મળી મને એક ન્યાય જેવી છોકરી !

અલ્લડ વયની વસંતે ઉછાળા મારતું દરિયા જેવું જોબન,

સપનમાં આવે રોજ મહેકતા બાગના ખ્યાલ જેવી છોકરી !

અજબ અજબ સવાલોનું ધણ ઉમટે મનના મરુસ્થલમાં,

ને અચાનક જ મળે સામે એ ગજબ જવાબ જેવી છોકરી !

કરે શૃંગાર ને અરીસો પણ શરમાય અમથો અમથો,

નયન ઢાળીને શરમ ઓઢતી રૂપના રૂઆબ જેવી છોકરી !

"પરમ" શબાબ ને સૌંદર્યનું સાક્ષાત મયખાનું મળી ગયું,

વગર પીધે "પાગલ" કરી ગઈ શરાબના ગ્લાસ જેવી છોકરી !