ચાલો માણસ માણસ રમીયે

ઈટ્ટા કિટ્ટા એક ઘડીના આવો પાછા મળીયે 

જીવતરનાં આ ગીત મધુરાં પ્રેમેથી ગણગણીયે 

   ચાલો માણસ માણસ રમીયે 

કિરણ નાનું અડ્ક્યું ત્યાં તો 

         ઝાકળ ઊડી જાય 

અંધારું ઓગળતા જાણે 

         મબલખ દીવા થાય 

ટમટમ થાતી જ્યોત સરીખા એય ને ઝળહળીયે 

    ચાલો માણસ માણસ રમીયે 

ભેદ ભરમની વાતો ઝીકી 

          ગોટાળો નવ કરીયે 

તારી મા

Advertisement

રી સમજણ સાચી    

           વાતોમાં વિહરીયે 

ફુલ ફોરમની વાતો કરતા   

એકબીજામાં ભળીયે 

    ચાલો માણસ માણસ રમીયે

જ્યાંથી આવ્યા ત્યાંજ જવાના  

      એજ જગા આહલાદક 

નહિં સૂરજ નહિં ચંદ્ર તારકો 

           સતનું એવું થાનક

અંધારે પણ તરલીયા ની જેમ અમે ટમટમિયે 

    ચાલો માણસ માણસ રમીયે