ભમ્મરિયો કૂવો '

ભમ્મરિયો કૂવો ને અધમણની આંટી

આખીયે ભ્રમણાઓ આટીમાં દાટી

ત્રાજવડે તોલીને માપી રે માપી ,

આંખોની દાબડીમાં રાખીને છાપી ,

ચંદનની લાકડીને ઓરસિયે વાટી..

ભમ્મરિયો કૂવો ને......

નોખી છે ચાલ અને નાચ-ગાન જુદા ,

ફૂલોનું કરમાવું જાણે વસુધા ,

ધૂળ અને મનખમાં સરખી છે માટી....

ભમ્મરિયો કૂવો ને......

વાત બધી ચકરાવે ચડતી આકાશમાં ,

મારવાને મથતી ને ફરતી ચોપાસમાં ,

એક - બે - ત્રણ તોયે કોરી આ પાટી...

ભમ્મરિયો કૂવો ને......