દોસ્તી થઈ ગઈ

કલમને કાગળથી દોસ્તી થઈ ગઈ,

તે સૌ સાથે પ્રેમથી વસતી થઈ ગઈ.

બે આંગળીઓ વચ્ચે શોભતી થઈ ગઈ,

જાણે કે સૌનું એક ઘરેણું થઈ ગઈ.

નાના બાળકો માટે એ મસ્તી થઈ ગઈ,

વિદ્યાર્થી માટે એ જરૂરત થઈ ગઈ.

મનના ભાવોને આલેખતી થઈ ગઈ,

એટલે જ બધા માટે પ્રિય થઈ ગઈ.

નાની કલમ આપણા હૈયે વસી ગઈ,

ને લોકો માટે ભેટ સ્વરૂપ થઈ ગઈ.

સાહિત્યનું સર્જન કરતા કરતા તે,

સાહિત્યકારોની સંગિની થઈ ગઈ.

'તેજબિંદુ'ની તેજ કલમ બનીને,

તલવારથી એ ધારદાર થઈ ગઈ.