એ દોર હતો

ધબકાર એકબીજામાં ઓળઘોળ હતો,

બે હૃદયની સંવેદનાનો છૂપો એ દોર હતો.

પ્રકૃતિએ મિલનની યાદગાર પળો સજાવી,

અદમ્ય ઇચ્છાઓની અધીરાઈનો એ દોર હતો.

હાથમાં તારા નામની લકીરો ઉપસાવી,

નયનથી મદિરા પાન કરવાનો એ દોર હતો.

પંખીઓના કલરવે પણ ગુંજની સાક્ષી પુરાવી,

હોઠ પર હોઠની મધુરતાનો એ દોર હતો.

સુડોળ દેહને તારા, બાહોંમાં મારી ભિસાવી,

સ્ખલિત લાગણીઓ પૂરવાનો એ દોર હતો.

લોકમુખે થતું સ્વનું અધૂરું મૂલ્યાંકન ભૂલાવી,

તારી રુહની પૂર્ણતા બનવાનો એ દોર હતો.