વંદન છે..

ધારણ કરી માતૃત્વને માતૃભૂમિનું રૂણ ચૂકવ્યું, 

દીકરો મોકલ્યો લડવા મા કાજે, વંદન છે એ માતને !

એક આંસુ પડતાં જ દ્રવી ઉઠતું હતું એનુ મન, 

તોય ઘડયું લોખંડી તારું તન, વંદન છે એ માતને !

સિંદૂરની ચિંતા પણ જેણે નહોતી કરી ક્યારેય,

ને લોહીની હોળી રમવા મોકલે જે લાલને, વંદન છે એ માતને !

વાતો સાંભળી લોકોની એ ના તો ડગી, ના ફરી હતી,

દીકરાના જોશમાં કેવી ભળી હતી, વંદન છે એ માતને !

તોય માતૃભૂમિ જ પહેલી મા, એ સમજાવે છે જે મા,

ને માતૃભૂમિના જ ગુણગાન ગાય, વંદન છે એ માતને !

યુદ્ધ ભૂમિ રંગાઈ દીકરાના લોહીથી તોય ભલે,

આંસુ શમી રહી જાય આંખમાં, વંદન છે એ માતને !