એ તો છે

નથી રહી દીકરી હવે સાપનો ભારો કે ઉજાગરો,

એ તો છે જીવનનો ઉજિયારો ને બાપનો સહારો.

નથી દીકરી હવે કોઈ ગાય કે પારકી થાપણ,

એ તો છે યુગો યુગોથી શક્તિ ને જગનો સહારો.

નથી દીકરી હવે દુ:ખનો દરિયો કે કોઈ પાપ,

એ તો છે પરિવારનો સાથ ને વિશ્વાસ કેરો સહારો.

નથી દીકરી હવે અબળા કે કોઈ અભિશાપ,

એ તો છે સમાજનું જીવનને શ્વાસમાં રહેલ સહારો.

નથી દીકરી હવે કડવો ઘૂંટ કે જીવનની ખૂંટ,

એ તો છે લાગણીઓ લખલૂંટ ને જીવંત સહારો.