ચિંતાનો વિષય છે

જે પળો આપણે માણી, જેને જીવ્યા,

સ્મરણમાંથી આ વાત નીકળે એ ચિંતાનો વિષય છે.

તારી લાગણીઓથી છલોછલ છું હું,

તોય તારી લાગણીઓ ભૂલું એ ચિંતાનો વિષય છે.

તારા ભરપૂર સાનિધ્ય થકી કિંમતી હું,

છતાં જો ક્યારેક આ વીસરું એ ચિંતાનો વિષય છે.

તડકા છાંયડા તો આવ્યે રાખે આજીવન,

જીવન સંઘર્ષમાં તારો હાથ છોડું એ ચિંતાનો વિષય છે.

એક દિવસ જવાનું જ છે બધાએ અહીંથી,

તારા આંખમાં આંસુ છોડી જાઉં એ ચિંતાનો વિષય છે.