આટલું વ્હાલ કેમ ઢોળે?

ઝૂમી ઝૂમી ફૂલડે એ શું ખોળે?

સખી, વાયરા આટલું વ્હાલ કેમ ઢોળે?

 

ડાળ ડાળ ખીલ્યા છે રંગ

પવનને પારણે ઝૂલે ઉમંગ

સખી, હૈયાનાં ગીત કેમ દોડે…વાયરા આટલું વ્હાલ કેમ ઢોળે?

 

હળવે હળવે કોણ વરસે

શ્રાવણમાં મન કેમ તરસે

સખી, શામળો મેઘલો શું ઝબોળે? ….વાયરા આટલું વ્હાલ કેમ ઢોળે?

 

ગમતી રમતી ચાંદની રૂપાળી

હસતી માણતી સાગર સવારી

સખી, રૂમઝુમ નાચંતી લહર શું ભાળે?…વાયરા આટલું વ્હાલ કેમ ઢોળે?

 

આવી રૂડી ખીલતી વસંત, 

યૌવન રમતું થઈને મદમસ્ત

રંગભરી પીચકારી રાધાજી બોળે

કાનજી, વાયરા આટલું વ્હાલ કેમ ઢોળે?

 

મારું મનડું લળી લળી કોને ખોળે….

સખી વાયરા આટલું વ્હાલ કેમ ઢોળે?