આવ મેહુલા.
આવ મેહુલા.
તને વનવનનાં વૃક્ષો બોલાવે આવ મેહુલા.
બાગબગીચે મયૂર ટહૂકાવે આવ મેહુલા.
જળરાશિ થૈ ગૈ સૂની; અગન છે ઊની ઊની,
તુજવિણ દાદુરને ના ફાવે; આવ મેહુલા.
કૃષિકારે પ્રતિક્ષા કીધી; એની કાં કસોટી લીધી?
'લૂ' જીવમાત્રને હંફાવે ; આવ મેહુલા.
તપ્ત અવની તુજને ઝંખે; આવ બેસવા અંકે,
સૂના સરોવરને છલકાવે; આવ મેહુલા.
જળતંગી સૌને અકળાવે; પ્રસ્વેદ દેહને ભીંજાવે,
સાંબેલાધારે ક્યારે વરસાવે; આવ મેહુલા.