બંધાયેલી નથી

ગમે આપણને એ ગમાડવાં જિંદગી બંધાયેલી નથી,

ગૂંચવાય દોરા જેમ ઉકેલવાં જિંદગી બંધાયેલી નથી,

રોજ મથી રહી છે આ હવા જીવ સાથે છેડો ફાડવા,

શ્વાસનો છે સંઘર્ષ, જીવાડવાં જિંદગી બંધાયેલી નથી,

ઝહનમાં ઝાંકીને જોઈ શકાય છે પોતપોતાની જાતને,

કોણ છું હું ? આઈનો બતાડવાં જિંદગી બંધાયેલી નથી,

સપનાંઓ, ઈચ્છા ને જિજીવિષા ઘણી છે જીવનમાં,

અરમાંનો પૂરાં કરી દેખાડવાં જિંદગી બંધાયેલી નથી,

માર્ગ તો બધા મોકળા છે એ ઈશ્વર સુધી પહોંચવાના,

જવું પડે તો જાતે, પહોંચાડવાં જિંદગી બંધાયેલી નથી.