ડૂસકું

અમને આવડ્યું તે અમે કરી આવ્યા, 

વ્હેમને જીવાડવા ટૂસકું અમે કરી આવ્યા !

વહેવાર છે કે ખરેખરનો પ્યાર, એ જાણે !

એમને રડતાં જોઈ ડૂસકું અમે ભરી આવ્યા !

ખબર નથી, કબર નીચે શ્વાસ ભરાય છે કે શું ? 

તાજાં ફૂલોનું તોય ઝૂમખું અમે ધરી આવ્યા !

લાગણી અને સંબંધનો નાતો અમે કરી આવ્યા, 

અસ્તિત્વ ટકાવવા પૂરતું અમે કરી આવ્યા !

આમ તો આંસુને ખાળવા હૈયું માગ્યું એમણે, 

હતું એવું ને એવું ઝૂરતું અમે ધરી આવ્યા !