ચાલ મળીએ

ચાલ મળીએ, દિલ ખોલીને વાત કરીએ,

ચાલ ફરીએ, હાથ ઝાલીને યાર ફરીએ !

સાચૂકલું હસી, ફુરસદની બે પળ વિતાવીએ,

એકમેકને ગમીએ, આંખમાં નાખીને આંખ જોઈએ !

હું ભીંજાઉં ને તમે રહો કોરાકટ, ના ચાલે !

ભીતરથી છૂટે વ્હાલ, પ્રેમના એ બીજ વાવીએ !

છાનું છાનું ડૂસકુ ભરી, મૌન થઈ ના રઝળ,

આવ પકડીને હાથ, ભાઈબંધીનો ખભો પલાળીએ !

તારી ને મારી પળ જિંદગીમાં પાછી આવતી નથી,

મહેફિલ મહોબ્બતથી મજાની ક્યાંક જમવીએ !

જો કોઈની આંખમાં ખુશીના આંસુ જોવા મળે તો,

જતું કરવું પડે તો જતું કરી દઈએ !

મારું તારું ભૂલી જઈ પંખીઓની જેમ ચણીએ,

પ્રેમનાં બીજ વાવી માણસાઈનાં ડૂંડા લણીએ !