ફાગણ ધુળેટી

આયો રે ભૈ ફાગણ આયો 

હોળી ધુળેટી લૈ ફાગણ આયો

કાબર ચિતરા રંગોનું 

ગોબર ગંદુ પહેરણ પહેરી ;

શરમ વિનાનો ટાબરીયો 

આયો રે ભૈ લાલો લહેરી !

નાની નાની વહુઓ ગોરી, 

છેલછબીલી ગમતીલી છોરી, 

ઉપર દબાવી પિચકારી મોરી, 

અરરર ! કાદવ મહી રગદોળી !

વેંતવેંતનાં છૈયાંઓ 

રંગ ભરી પિચકારી છોડે !

લથબથ લથબથ ભીંજાઈ 

કાદવની ચાદર પે દોડે !

માનવ વર્ષાની રેલ નીચે 

ઝાંઝરીઓના ઝણકાર ગાજે, 

થડક થડક હૈયાનું જોબન 

ઘૂંઘટ મહીં મલકાતું લાજે !

કેસૂડાના રંગો લાલ, 

આમ્ર મહોરની તાજી મહેક, 

રેલમછેલ હૈયામાં પ્રસરી 

માનવ ભાવને ભીંજવે આજ !

અલક મલકની કરે સે'ર 

પણ હોળી ધુળેટીએ આવે ઘેર 

ખરો મારવાડી એ ખરો રસિલો 

વતન પ્યારો ઓચ્છવ ઘેલો !