રામ - કામ

વનમાં નાની તું સખી પણ મોટું તારું કામ

તારું મુખડું જોઈને યાદ આવે છે રામ,

જેવું-જેમને જેટલું તે કર્યું રામનું કામ

તેથીજ જોને આજ પણ શોભી રહ્યાં નિશાન,

નાના સરખાં દેહમાં લીધો રેતનો કણ

તારા ભોળા ભાવથી પામી તું ભગવન,

ભોળપણ તે ક્યાં મળે ? મુજને જરાં બતાવ

રામ મળશે શું મુને ? મારો માનવ છે અવતાર !

ખિસકોલી મૂંઝાઈ ગઈ ! શું આલું જવાબ ?

કે’છે આપ માનવ નહીં બની બેઠાં નવાબ,

રામે રાજ્ય છોડ્યું લઈ લીધો વનવાસ

આપનાં આવા મહેલ ભૈ ! ક્યાંથી મળે તે આંહી ?

મળવું હોય જો રામને તો મનથી લો વૈરાગ

હું દોડું છું જે રીતે તે જ રીતે તું ભાગ,

પડતો મૂક સંસાર ને સગા-સંબંધી મેલ

પછી, અયોધ્યના આંગણે કરશું આપણે ખેલ,

આપણે વાનર થઈ જશું શિવના ડમરુ કાજ

જોજે રામ જ બોલશે દો’વાનર મારે કાજ,

વનમાં નાની છું સખા પણ મોટું મારું કામ

તેથી મુખડું જોઈને યાદ આવે છે રામ.