આદત

ભૂસાયેલું વાંચવાની આદત છે મને

ઘુંટાયેલું કાઢવાની આદત છે મને,

એમ-નેમ ના આવે ભૈ ચટણીમાં સ્વાદ

કે કુટાયેલું’ય વાટવાની આદત છે મને,

તમે સમજદાર છો સમજી શકો બધું જ !

કે ગુંચાવેલું’ય રાખવાની આદત છે મને,

નથી સમાજની પરવા કે ના ખુદની ફિકર

પણ, ખુદાયેલું પાખવાની આદત છે મને ?

એતો જઈને સૂઈ ગયો પોતાની કબરમાં

પણ, એને ચાદર ઢાંકવાની આદત છે મને,

નથી ઘંટ વગાડતો રોજ હું એને માટે

પણ, એ કહે તે પાંખવાની આદત છે મને,

કોઈ અલ્લડ કહી દે ને કોઈ કહે અલગારો !

પણ, મારી જ નજરે ઝાંખવાની આદત છે મને

શું પ્રિત કરું પતંગથી પછી દોર દઉં કાપી ?

ચણ પંખીને’ય નાંખવાની આદત છે મને,

ઘણીવાર ખાટું-મીઠું ઓછું-વત્તું થાતું !

લો’ જમાડીને ચાખવાની આદત છે મને,

હોય પડ્યું એ ખુણામાં મારું શું કશું જાતુ ?

પણ શું ઘુંટાયેલું કાઢવાની આદત છે મને

ને ભૂંસાયેલું વાંચવાની આદત છે મને !