મારું દાન કરી આવ્યો

વૃદ્ધાશ્રમ બાંધવામાં એમ હું મારૂ દાન કરી આવ્યો,

માં-બાપને ત્યાં છોડી કાર્ય હું મહાન કરી આવ્યો.

માન્યું કે હવે એ આંખોમાં પહેલા જેવુ તેજ નથી,

પણ એ લાગણી ના ઓળખીએ, આપણે અંગ્રેજ નથી.

જે આપણા માટે કોઈને હાથ શું, માથું જોડી શકે ?

તેને ભલા કોઈ કયા બહાને પણ તરછોડી શકે ?

ઘરમાં શાંતિ રાખવા, મંદિરે તોફાન કરી આવ્યો,

વૃદ્ધાશ્રમ બાંધવામાં એમ હું મારૂ દાન કરી આવ્યો.

એમણે કોણ કહે હું અહિં દુ:ખોમાં અથડાતો હોઇશ,

છતાંયે ત્યાં તેમના દ્વારા સતત હું જ શોધાતો હોઇશ.

તેમણે પાછા લાવવાનો ઉપાય મને ખબર નથી,

પણ શું આ દુવિધા લગ્નની આડ-આસર નથી ?

હેત વરસાવતા જંગલોને હું સુકું મેદાન કર આવ્યો,

વૃદ્ધાશ્રમ બાંધવામાં એમ હું મારૂ દાન કરી આવ્યો.