સંઘર્ષ
સંઘર્ષ
વિતાવ્યું બાળપણ હર્ષોલ્લાસમાં
મળ્યા અજાણ્યા હર એક શ્વાસમાં
શું ખબર તને એ માનવ સંઘર્ષ મારા આ જનમના !
દૂધ પીને વિતાવ્યું બાળપણ અહી
જ્યાં ભણ્યા ગણ્યાનું કોઈ સ્થાન નહિ
રહી ગયા કેટલાય અધૂરા સપના
શું ખબર તને એ માનવ સંઘર્ષ મારા આ જનમના !
મથ્યું કેટ કેટલું ભણવા માટે અહી
મળ્યું છતાં ખાલી ઘર જ મને કઈક
અરમાન હતા ઘણાય જે ના પૂરા થયા
શુ ખબર તને એ માનવ સંઘર્ષ મારા આ જનમના !
ભણી માધ્યમિક અને પ્રવેશ કર્યો વિશ્વવિદ્યાલયમાં અહી,
ના કરાવે એવી નોકરી કરી અહી જાતે
તેમ છતાં ઘરે તો સાંભળ્યું જ કશું કરતી નથી તું
શુ ખબર તને એ માનવ સંઘર્ષ મારા આ જનમના !
મળી ઘણાય સમયે તું આ બધાને ક્યાંક
ભૂલી સર્વસ્વ મારું થઈ ગઈ પારકી હું અહી
ઘરની સાથે સંભાળે અનેક કાર્યો એ ક્યારેક
શુ ખબર તને એ માનવ સંઘર્ષ મારા આ જનમના !