ખરવાનો સમય
ખરવાનો સમય
જ્યારે માના ગીતો ગૂંજે કાનમાં ને લાગે એ બોલાવી છે રહી,
સમજવું લીલું નથી રહ્યું પાન, ખરવાનો સમય આવી ગયો !
જ્યારે સ્મૃતિપટલ પર ગાડી રિવર્સમાં જીવન જીવી જાય તો,
સમજવું લીલું નથી રહ્યું પાન, ખરવાનો સમય આવી ગયો !
જ્યારે આપણે ઉછેરેલા સંબંધો રહેશે પણ આપણે નહીં તો,
સમજવું લીલું નથી રહ્યું પાન, ખરવાનો સમય આવી ગયો !
વયસ્ક વડલો વૃદ્ધ વડિલ હોવાં છતાં ન હોવાનો કરે આભાસ,
સમજવું લીલું નથી રહ્યું પાન, ખરવાનો સમય આવી ગયો !
અભરખો જાગે જોવાનો કેવી હશે દુનિયા મારા ગયા પછી તો,
સમજવું લીલું નથી રહ્યું પાન, ખરવાનો સમય આવી ગયો !
સમીસાંજે જામ ટકરાવું હાથ કાંધ દેશે મને વિચાર એવો તો,
સમજવું લીલું નથી રહ્યું પાન, ખરવાનો સમય આવી ગયો !