યાદો
યાદો
રડ્યાં હતાં એ બધી સ્મૃતિઓ પર આવે છે હસવું આજે,
ને કમાલ, હસ્યાં હતાં એ યાદો પર આવે છે રડવું આજે !
યાદોનું પણ આ ચા જેવું છે ગરમ-ગરમ દઝાડી જાય છે,
ને ઠંડી હોય તો લાગે બેસ્વાદ, હૂંફાળી ચૂસ્કી તો શું કહેવું ?
એક પ્રભાતે મેં ખોલી'તી ખીડકી તાજા સમીરની મહેક માટે,
ખબર નહોતી ઘૂસી જશે તારી યાદોનું વંટોળ ઘરમાં અચાનક !
કહેવાય નહીં, રહેવાય નહીં, સહેવાય નહીં સવાર પડે છે તો,
તારી યાદથી, હજી તો શમણે આવજો નથી કહ્યું ને ફરી યાદ !
માનું છું કે રોજ આપણે નથી મળતા કે નથી કરતા વાત પણ,
એટલે એવું થોડું માની લેવાય કે અમે યાદ પણ નથી કરતાં !
રંજોગમ તો રહે જ છે તેં આપેલી યાતનાઓનો, તડપાવે છે,
"યાદ" બની, પણ દુઃખ તો મનનાં મંથનનું છે તારો ક્યાં વાંક ?