Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Zalak bhatt

Abstract Tragedy Action

4  

Zalak bhatt

Abstract Tragedy Action

ક્યાં ગયો ?

ક્યાં ગયો ?

1 min
565


લાગણીનો એ પટારો ક્યાં ગયો ?

ખૂણે રહેતો એ નઠારો ક્યાં ગયો ?


યાદ આવે આમ શું એની મને ?

પણ,ગામ પૂછે છે બિચારો ક્યાં ગયો ?


વાદળોને ઘેરાવાની ઘેલછા !

આ આંખ શોધે એકતારો ક્યાં ગયો ?


કંઈ નથી છતાં થયો બેબાકળો ?

શ્વાસ શોધે છે ‘હું કરો’ ક્યાં ગયો !


નાસમજ, નાદાન, નટખટ શું કહું ?

જિંદગીનો એ સહારો ક્યાં ગયો ?


એને ઘસડી લઈ ગયો ભંગારિયો !

તું કહે છે કે જવા દો જ્યાં ગયો ?


લે,જાણતો નથી આ જમાનાને હજુ

તું જાણકર કે એ જનારો ક્યાં ગયો ?


દામ લઈ-લે લેવાં ના હો એટલાં

પણ,કે ખરચને ધારનારો ક્યાં ગયો ?


બાળપણ, યૌવનને મારૂ વૃદ્ધપણ

એકદમ સંભાળનારો ક્યાં ગયો ?


સાચવી છે આજ સુધી, એણે જ મિલ્કત બધી

ને કાટ લાગ્યો છે કહેનારો ક્યાં ગયો ?


નહીં કરું સહી, નહીં દઉં છાપ પણ

ઈ વારસાને વેંચનારો ક્યાં ગયો ?


કે’ ખૂણે રહેતો એ નઠારો ક્યાં ગયો ?

મારી લાગણીનો એ પટારો ક્યાં ગયો !


Rate this content
Log in