સાકારત્વ

આખરે હું એ પડાવે આવ્યો

શુઝ પહેરીને ખડાવે આવ્યો !

શું ક્ષતિ થઈ હે ! મારી છાપમાં ?

સિક્કા સમ ફરી ચઢાવે આવ્યો ?

લાગણીનો લાવા શું વહેતો કર્યો ?

હર પથ્થર ચમકારના દામે આવ્યો !

હું આવકારો આપતો વહેતો રહ્યો

એ ચમક ધરી મારી જ સામે આવ્યો ?

ના’રે નામનાનો અહીં મોહના

પણ, લાવના ઘૂંટાવા ટાણે આવ્યો ?

મેં કહ્યું ભૈ લે’ લખી નાખ એકડો

તો એ સો સમજાવા ટાણે આવ્યો ?

હું હતો હું જ છું ને હું રહીશ પણ

આજ હું મારા કિનારે આવ્યો !

ઝળહળતો છે ખડક શબરંગ છે ?

પણ,લાગેછે કે હું કટાણે આવ્યો

નખ મારીને મેં ખડક ખંખેરીયો

ને ખડાઉ મારી પાંહે આવ્યો !

એ પહેરીને થયો સાકાર હું ?

જા,રે શંભુ તું કાં અટાણે આવ્યો !

શુઝ પહેરીને ખડાવે આવ્યો

આખરે હું એ પડાવે આવ્યો !