કારણ શું હશે ?

આ ફૂલોનું મો કેમ મલક્યું હશે ?

શું ભમરા એ એની પ્રશંસા કરી હશે ?

આ નગર એટલું સુવાસિત કેમ હશે ?

શું! પવને ખભે ઉંચકીઆં સુગંધ ને

નગરમાં ફેરવી હશે ?

આ મેના પોપટ ને કોયલ કરે કલરવ

શું! એને પણ મનગમતો મિત્ર આજે મળ્યો હશે ?

ખડખડાટ હસી રહ્યા છે ઉપવનમાં દરેક પર્ણો

શું વસંતના આગમનની ખબર એને કોઈએ આપી હશે ?

આ મોર એની મસ્ત અદામાં

કળા કરી રહ્યો છે,

કથ્થક નૃત્ય કરી રહ્યો છે,

શું! આં મેઘબિંદુએ હવા સાથે તેના આગમનનો કોઈ

સંદેશ મોકલ્યો હશે ?

આ કૂંપળો હસી હસી ને રાસડા લઈ રહી છે

પવનના તાલે ઝૂમી રહી છે

શું! એને તારા આગમનની જાણ થઈ ગઈ હશે ?

આ મહેકતો મોગરોને ગુલાબી ગુલાબ

સજી ધજીને મલકાઈ રહ્યા છે

શું! એ તારા સ્વાગત માટેની તૈયારી

કરી રહ્યા હશે ?