રેલાવે મધુ સુગંધ આ વરસાદમાં
રેલાવે મધુ સુગંધ આ વરસાદમાં
1 min
12.4K
કોણ રેલાવે મધુ સુગંધ આ વરસાદમાં?
યાદ આવે છે ભીના સંબંધ આ વરસાદમાં.
લીલના છો ને થયા હો થર ઘણા આ દિલ ઉપર,
ભીતરે ધબકાર છે અકબંધ આ વરસાદમાં.
છે અસર માદક ઘણી વરસાદના આ નીરમાં,
પ્રેમમાં તેથી બને સૌ અંધ આ વરસાદમાં.
આ છત્રી લીધી ‘ને રેઇનકોટ પણ લીધો અમે,
જો અમે કીધાં ઘણાં પ્રબંધ આ વરસાદમાં.
ચાલ, લથબથ આજ હું ભીંજાઉ તારા પ્રેમમાં,
આમ, પ્રિયે આપ ના સોગંદ આ વરસાદમાં.