જ્યારે શરૂ કરું હું કૈક લખવાનુ

જ્યારે જ્યારે શરૂ કરું છું હું કૈંક લખવાનું,

થઈ જાય છે શરૂ ત્યાં તો શબ્દોની સંતાકુકડી !

દઈ દે છે ત્યાં ઠપકો, હઠીલી લાગણીઓ મારી,

અક્ષરો બિચારા ઝંખેેે છે એ પકડમ-પકડી !

કલ્પનાઓની ઉડતી બેચેનીનું તો શું કહેવું ?

ઉડાવેેે છે એ તો કવિદિલના વહેમની ઠેકડી !

સઘળી આ લેખનીની બાથં-બાથીમાં,

કર્યા છે કલમેે સૌને નજરકેદ શાહી ડૂબોડી !

થાય છે શરૂ એક- એક કડી નીસુનવણી,

થઈ છેે મનથી સજાગ લયબદ્ધ કાવ્યકડી !

હાશ ! રચાયું છે કાવ્ય કવિના ચુકાદાથી,

બન્યુ છે કોરું કાગળ મૂક સાક્ષી અંતઘડી !

જ્યારે - જ્યારે શરૂ કરું છું હું કૈંક લખવાનું,

થઈ જાય છે શરૂ ત્યાં શબ્દોની સંતાકુકડી !