ચુંબકીય જીવન

છે આ જીવનરૂપી  ચુંબકની કથા અનેરી !

ધૃવો એના બે અજોડ,

એક નર અને એક નાર !

છે સાબિતી આ ચુંબકની  સહેલી !

થાય સમાન  ધ્રુવોનું અપાકર્ષણ અહીં ભારે પ્રચંડ !

વધે આકર્ષણ, સંગ રહે જો નર ને નાર.

છે ચુંબકીય બળરેખાઓ એની વિવિધતાભરી !

કરતાં કજિયો બને પરિવાર વિખંડ,

બને જીવનરેખા અતૂટ, વધે જો સમજણ પરસ્પર.

છે એવી આ હોકાયંત્રની કારીગીરી !

અધવચ અટવાયેલ જીવનની પડે રાડ,

જશે તરી આ જીવન, જો હશે ચુંબકીય નર ને નાર ! 

છે આ જીવનરૂપી  ચુંબકની કથા અનેરી !

ધૃવો એના બે અજોડ,

એક નર અને એક નાર !