Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Neha Patel ***નેહ***

Romance Fantasy Inspirational

4.5  

Neha Patel ***નેહ***

Romance Fantasy Inspirational

'રંગારો' - નાર તણો

'રંગારો' - નાર તણો

1 min
228


તારી કાતિલ નજરોની કામણગારી પીંછીનું તો શું કહેવું ? 

છાલક્યાં શર્મિલા શેડો ઝૂકેલ પાપણે,

ને લગાવી લાલિમા બંધ હોઠોના બારણે, 

પુરી દીધી ગુલાબી રંગોળી તે તો ગાલોના ખંજને !


તારી નજાકતભરી અંગ મરોડનારી પીંછીનું તો શું કહેવું ?

વહાવ્યા તરંગિત રંગો લટકાભરી ચાલે, 

ને ઘોળ્યા મોહક વળાંકો પાતલડીની કાયે, 

સજાવી દીધી વાદળી ઘટાઓ તેં તો ઘુમ્મરીયા વાળે ! 


તારી માયાભરી વ્હાલ વરસાવનાર પીંછીનું તો શું કહેવું ?

વરસાવ્યા પ્રેમના રંગો અમ ઉર-આંગણે,

ને ફોર્યાં મીંઠા વેણ કામિનીકેરી જીભે, 

રંગી દીધો સ્નેહ રંગ તેં તો પાલવના છેડે !


આવા કોમળ રંગરૂપ આપનાર એ રંગારાનું તો શું કહેવું !

આપ્યા અગણિત રૂપો એક જ જોબને,

ને ઉતાર્યું અપાર સૌંદર્ય ધરણીતીરે,

કરી દીધું નવલી-નારતણું સર્જન કુદરતનાં ખોળે ! 


Rate this content
Log in