સાચું ને!

ઘણા દિવસો પછીની યાદ છે સાચું ને!

હ્રદયથી આ હ્રદયનો સાદ છે સાચું ને!

મિલનમાં તો હતી મસ્તી,પછી શું થયું કે?

જુદાઈનો કશો ઉન્માદ છે સાચું ને!

નિસાસા એટલા લાગ્યા છે અંદરથી જો,

પછી આ જિંદગી બરબાદ છે સાચુંને!

હતા જે મૌન દોસ્તો આજ બોલ્યા છે,

પ્રણયનો આ જુદો પ્રતિસાદ છે સાચુંને!

મજા ક્યાં છે મુલાકાતોમાં આજે એવી?

વચનનો આ સમય તકવાદ છે સાચુંને!

વિસામો આપણો આ હિંચકે કાયમ જો,

સમી આ સાંજની સોગાદ છે સાચુંને!

હવે 'આભાસ' માને હાર શ્વાસો સાથે,

ફિસાદી મોત આ ઉસ્તાદ છે સાચુંને!