તું મારી સખી

જાહોજલાલીની મહારાણી તું મારી સખી.

કે ટેરવાના સ્પર્શની વાણી તું મારી સખી.

ચોસઠ તીરથધામ ભમવાની જરૂર ક્યાં હવે ?

આ આંગણે ગંગા સમું પાણી તું મારી સખી.

હોળી, દિવાળી કે પછી પૂનમ મઢી રાત છે !

ઉત્સવ ભરી સઘળીય ઊજાણી તું મારી સખી.

ઊઠી પરોઢે ઝુલ્ફને તું સ્હેજ પંપાળતી,

રગમાં વહેતી મૌન સરવાણી તું મારી સખી.

પ્રેક્ષક બની આજે તને મનમાં નિરખતો રહું,

આ મન હૃદયની એક ઈંદ્રાણી તું મારી સખી.