મેઘરાજાનો શિક્ષક
મેઘરાજાનો શિક્ષક
1 min
20.2K
સીધો સટ્ટ વરસે કે ત્રાસો એ મેઘો ક્યાંથી શીખે છે?ક્યાં ઊંધો કરવો છે પાસો એ મેઘો ક્યાંથી શીખે છે?
લ્હેરો સાથે કરતો મસ્તી સૌને કે'તો "હું" છું હસ્તી,
આફત આવી ચાલો નાસો એ મેઘો ક્યાંથી શીખે છે?
ધરતીને એ વ્હાલો થાતો ચાતકની પણ વ્હારે જાતો,
કઈ ક્ષણમાં ના ભરવા તાસો એ મેઘો ક્યાંથી શીખે છે?
ધોળા ધોળા ટીપે એ તો ઉપજાવે માટીમાં કેસર,
કોનો થાબડવો છે વાંસો એ મેઘો ક્યાંથી શીખે છે?
અઢળક કુંવારી ઈચ્છાઓને પાંપણમાં પોઢાડીને,
ક્યારે પાકટ કરવા શ્વાસો એ મેઘો ક્યાંથી શીખે છે?