Click here to enter the darkness of a criminal mind. Use Coupon Code "GMSM100" & get Rs.100 OFF
Click here to enter the darkness of a criminal mind. Use Coupon Code "GMSM100" & get Rs.100 OFF

Neha Patel ***નેહ***

Inspirational


3.6  

Neha Patel ***નેહ***

Inspirational


'મા' એક અવર્ણનીય વ્યક્તિત્વ

'મા' એક અવર્ણનીય વ્યક્તિત્વ

1 min 232 1 min 232

કરવા બેઠી વર્ણન 'માં'ના વ્યક્તિત્વતણું,

ખુટ્યા શબ્દો મારા શબ્દકોશનાં !

સાચે જ, કેવી 'અવર્ણનીય' છે તું મા !


વરસાવે અપાર પ્રેમની વર્ષા મુજ પર,

ઉભરાતું કઠોર વાણીમાં પણ તુંજ અંતરનું હેત !

આવે ન કોઈ તોલે તારી મમતાને, 

સાચે જ અતુંલ્ય 'વાત્સલ્યમય' છે તું મા !


જમાડતી તું સૌ કુટુંબીજનોને પેટ ભરીને,

સાંભળી સૌના 'ઢેકાર', ઠરતું પેટ તારું ! 

કહેવાતો 'અન્નદાતા' જગ આખાયનો ખેડુ,

પણ, સાચે જ દેવી 'અન્નપૂર્ણા' છે તું મા !


લેતી સંભાળ બાળ, જુવાન, વડીલોની, 

જોઈ સૌ ને સ્વસ્થ, માનતી નિરોગી ખુદને !     

ભરી દવા સઘળા રોગોની તુંજ રસોડામાં !

સાચે જ જગની શ્રેષ્ઠ 'ધન્વંતરી' છે તું મા ! 


આપતી જીવન જીવવાની સાચી સમજણ,

કરતી મીઠી ટકોર હરેક કાર્યમાં !  

બતાવી સાચી જીવન દિશા, બની પથદર્શક,  

સાચે જ પ્રથમ 'ગુરુ' આદરણીય છે તું મા !


કરતી સામનો જીવનના પડકારોનો,

બનતી સંતાન કાજ, ક્યાંક 'અંબા' તો ક્યાંક 'મહાકાળી' !

બતાવતી પરચો અનોખી સહનશક્તિનો, 

સાચે જ શક્તિરૂપી 'અવતાર' છે તું મા !


રેલાવી સદા મીઠું સ્મિત ચહેરે,

આપતી હૂંફ બાળ બચ્ચાને, 

છૂપાવી રુદિયે દુઃખ, પહેરી હાસ્યનું મહોરું !  

સાચે જ વિશ્વ રંગમંચની શ્રેષ્ઠ 'અદાકારા' છે તું મા !


આપતી બાળને જીવનના અનુભવોનું જ્ઞાન,

ઘડતી જિંદગીનો ઘાટ સદગુણોથી,

બનતી જીવનની સાચી શિલ્પી ! 

સાચે જ બાળની 'વિશ્વકર્મા' છે તું મા !


આવાં તો કઈ કેટલાય રૂપ છે તારાં, 

ભજવે તું દરેક રૂપે નોખું જ કિરદાર ! 

એટલે જ રચના તું શ્રેષ્ઠ ઈશ્વરતણી !  

સાચે જ વંદનીય છે તું મા !


કરવા બેઠી વર્ણન 'માં'ના વ્યક્તિત્વતણું,

ખૂટ્યા શબ્દો મારા શબ્દકોશનાં !

સાચે જ, કેવી 'અવર્ણનીય' છે તું મા !


Rate this content
Log in

More gujarati poem from Neha Patel ***નેહ***

Similar gujarati poem from Inspirational