દેખાતાં નથી

આવીશું કહીને ગયાં એ પાછાં દેખાતાં નથી,

શહેરમાંથી ગામનાં સીધાં રસ્તાં દેખાતાં નથી,

શહેરની ઝાકમઝાળ અને ભપકાદાર જિંદગી,

ઊંચી ઈમારતોથી ગામનાં પાદર દેખાતાં નથી,

ગામનાં ઘરઆંગણે વિતાવેલા સૂકુનનાં દિવસો,

એ પ્રસંગો કે એ ઉત્સવો પાછાં દેખાતાં નથી,

હતો ગામમાં ઘરોબોને સંબંધોમાં મીઠી મીઠાશ,

બિસલેરીમાં નદીનાં મીઠાં જળ દેખાતાં નથી,

સમી સાંજે માણીએ મંદિરે ઝાલર ને સૂર્યાસ્ત,

ઢબૂકતાં ઢોલ ગામડાંના, ડીજેમાં દેખાતાં નથી.