પાછા વળવાનું હતું
પાછા વળવાનું હતું
બારણેથી જ પાછા વળવાનું હતું,
આવકારાથી શું વળવાનું હતું ?
થઈ ગૈ ઓછી લાગણીમાં ભીનાશ,
પછી કોરાકટ જ મળવાનું હતું,
નાસમજ છે લોકો' જે નથી સમજતા,
લાગણી વાંચવા કયાં ભણવાનું હતું ?
પછી સમય સાથે જ વહેતા રહ્યાં,
ના કોઈના થયા, ના થવા દેવાનું હતું,
એકવાર ઉતરી ગયા જે દિલમાંથી,
સમજી લો, પગથિયું ના ચઢવાનું હતું,
છે ઝીલની ગહેરાઈમાં એ છેક સુધી,
પહોંચવા હલેસા મારતા રહેવાનું હતું !