પણ

ના, મને મંજૂર છે આઘાત પણ

આપને કહી દઉં અનોખી વાત પણ ?

આપણે તો બોલવાનું કંઈ નહીં

જો કદિ આવે હરિ સાક્ષાત પણ !

જોતાં રહો બસ જે થયું ને જે થશે

નીકળી ગયાં દિવસ ને ગઈ રાત પણ,

કોઈને કશો જ ફરક ના પડે

મુખથી હસો ને રડતાં રહે જજબાત પણ,

આપ ‘બોલ’ સમ કોઈ ઘા કરે કોઈ થમે

ને કોઈ-કોઈ મારી પણ જાય લાત પણ !

ના,એ ગલત દુકાને પેક રો’ ભલા

કળશે ને કોઈ આપની ઔકાત પણ,

જે મૌલ દે,એના જ હાથે શોભવું

એ આલશે બે બોલ તણો સાથ પણ,

મૂકી એકલા મેદાને એ ના વઈ જશે

એ જાણશે છે આપમાં તાકાત પણ,

ખુદ ના વિજયનું આપને સન્માન દે

હારે તો ખુદની હો ક્ષતિ પણ યાદ પણ,

એવા ખેલાડી ને આલો બોલ આ

કે તૂટતા શોભાવે તેની જાત પણ,

ઊછળી ને કદિ ના જશો કોઈ બેટ પર

આપ ક્યાં ગયાં નો થશે સંવાદ પણ,

વિજયી થશે એ બેટ ભલે ને આપ ઉડયા

ને આપની સચવાશે પણ ના યાદ પણ !

રમતાં રમી લો બોલ સાથે બોલતાં

ને પછી ઊભો થશે વિવાદ પણ,

ભલા,એટલે જ બોલવાનું કંઈ નહીં

આવી ચઢે ને જો હરિ સાક્ષાત પણ.