જાણ કે ત્યાં રાધા છે

પ્રેમની અભિવ્યક્તિ ત્યાગ ને 

સમર્પણ જ્યાં ભારોભાર જણાય,

જાણ કે ત્યાં રાધા છે.

વિરહના મીઠા ગીતડાં ગવાય ને

બોર-બોર જેવડા આંસુથી કાન લખાય

જાણ કે ત્યાં રાધા છે.

વર્ષો સુધી એક જ વાટડી પર

ચંચળ ચપળ કોમળ નયન મંડરાય

 જાણ કે ત્યાં રાધા છે.

મેઘધનુષના રંગો ચોતરફ રેલાય

ને એમાંથી મોરપીંછ મલકાય

'જાણ કે ત્યાં રાધા છે.' 

મધમધુવનમાં જ્યારે બંસરી

અને રાસની જુગલબંધી જણાય

'જાણ કે ત્યાં રાધા છે.'

શોધ ના અહીં તહીં તું કામણગારા કાન

ને રાધાનું જ્યાં -જ્યાં નામ લેવાય' 

'જાણ કે ત્યાં કાન છે.'