હૂર પરી

કોણ રે જોતું વાટ ક્યાંક કોઈ દિશાએ

અજાણી નવી દુનિયામાં હં કે મારી.. !

જોયા, જાણ્યા વગરેય શાને ઈ ખરી

રહી નામ મારું વારેઘડિયે પોકારી... !

કોને કહું આ નવી અજુગતી વાત્યું !

ને કોને પૂછું ત્યાં જવાનો માર્ગ ઓ માડી !

કેવી હશે નોખી ઈ દુનિયા ને નોખાં લોકો !

કહેણ પારખી જાતા હશે શબ્દ ન ઉચ્ચારી !

મનપસંદ શું મળતી હશે ત્યાં જોડીઓ નવી

ફેરબદલ પણ થતી હશે કે બંદર ને મદારી !

ખોવાયેલી સંગિની ય જડતી હશે કે વહેલી

કે ખોવાતી જ નૈં હોય, આશ જાય ઠગારી,

ઈશ કે, બૌ કૂદતો'તો ને બીજે ગ્રહે જાવાને

શું થ્યું, ન જડી બીજી જન્નતનશી હૂર પરી !

એક જ ન્થ સંભાળાતી, બીજી લૈ શું કરું ?

હે પ્રભુ ! ભક્ત તારાને લે હવે બસ ઉગારી !

ખૈ રહ્યો કસમ ઘરવાળીની, નૈં પજવું એને

શ્રાવણી સોમવાર કરીશ ઉપવાસ ફરી ફરી.