ગાર્ડન લિઝર્ડ ~ મતલબી પશુ

જ્યારે થવા લાગે છે 

વિચારોને શંકાના ઘા,

ત્યારે 

સંબંધ લથડવા લાગે છે.

અને

ત્યારે,

હાથઘોડી રૂપી સૉરી

પણ ડગમગવા લાગે છે.

અને,

આંખો સુધી આવીને 

વહી ના શકે,

એ, આંસુઓનું મૂલ્ય કોઈ 

કહી ના શકે

વેળ સવેળ જે 

સાચવી ન શકે,

એ, બીમારીનાં નામનું

સમીકરણ જ બદલતાં હોય છે.

તથા,

પોતાનો વાંક, બીજા પર

થોપી, છટકબારીથી

પલાયન થવા લાગે છે.

ને,

બીમારની દેખરેખ રાખવાના

નામે, 

હાથ ઊંચો રાખવા લાગે છે.

વખતે વખતે

સંભળાવી પણ જાણે છે..

ને

મજાક મશ્કરીનાં બહાના હેઠળ

મનની વાત ચોપડવા લાગે છે..

બસ,

એને ટેકો આપવામાં જ

ખચકાટ અનુભવવા લાગે છે !