લે હાલ
લે હાલ
1 min
353
લે હાલ, લોટમાં મો'ણ નાખી દઉં,
ને પછી લોટ બાંધી દઉં,
એ મજાની રોટલી તું બનાવે એ માટે,
હું આટલું તો કરી દઉં.
લે હાલ કપડાને પાવડરમાં પલાડી,
ને સાબુ દઈ ધોઈ દઉં,
એ કપડા પછી તું સુકવે,
એ જોવા માટે આટલું તો કરી દઉં.
લે હાલ, કચરો વાળી,
ને આખા ઘરમાં પોતું કરી દઉં,
એ ચમક તારા ચહેરા પર જોવા,
આટલું તો કરી દઉં.
લે હાલ, દુકાને દુકાને ઘૂમી,
તારી શોપિંગની બેગ પકડી દઉં,
એ તારા અકબંધ વટને જાળવવા,
આટલું તો કરી દઉં.
લે હાલ, તને બાહોમાં ઉઠાવી,
આખી દુનિયા ફરાવી દઉં,
એ મારી આ દુનિયાને ખુશ જોવા,
હું આટલું તો કરી દઉં.