તંબૂરો અને ટપુભગત

ટપુભગતને તંબૂરાનો શોખ ભયંકર લાગ્યો !

પડઘો પડશે તો કહેશે કે અવાજ આવ્યો ગેબી,

સપનામાં પણ છળી ઊઠશે જોતાં એક જલેબી !

ટપુભગતનો જીવ અભાગી રહી રહીને જાગ્યો,

ટપુભગતને તંબૂરાનો શોખ ભયંકર લાગ્યો !

દરિયો તરવા ટપુ ભગત તંબૂરો હા' રે લેશે,

'તું હી મેરા જીવનસાથી' તંબૂરાને કે'શે,

આમ છતાંયે ટપુભગતને જીવતરકાંઠો વાગ્યો,

ટપુભગતને તંબૂરાનો શોખ ભયંકર લાગ્યો !

વિષકન્યાએ ટપુભગતને ચોક વચાળે પીધાં,

આટઆટલું થયું છતાંયે ગોકીરા ના કીધાં,

વિષકન્યામાં લીન ટપુએ તંબૂરો ના માંગ્યો,

ટપુભગતને વિષકન્યાનો રંગ ખરેખર લાગ્યો !