ગધના પાસે ગધની બેઠી

ગધના પાસે ગધની બેઠી સોળ કળાએ ખીલવા!

ગધનો પણ બેઠો છે એવો શ્રાવણ – ભાદર ઝીલવા!

ગધનો પૂછે ગધનીને આ સાત સમંદર પાર…

હોડી નૈ, હલ્લેસું નૈ, બસ તું અમને ઉતાર…

ગધનો ખોલે પ્રેમગઠરિયાં ગધની માંડે હીલવા!

ગધના પાસે ગધની બેઠી સોળ કળાએ ખીલવા!

ગધનો ઝીંકે આડાઅવળી પ્રેમ-બ્રેમની વાત!

ગધની જાણે બનતી જાતી મેઘધનુષી જાત!

કોઈ દિવસ આજે ગધની માંડી સપના છીલવા…

ગધના પાસે ગધની બેઠી સોળ કળાએ ખીલવા…