ગમ રહેવાનો

આપી નથી શકતા, ત્યારે (જીવ) લીધાનો ગમ રહેવાનો,

વસે જીવમાં શિવ ક્યારેય નહિ નિયમ વીસરવાનો,

ધરતી છે સહુની, ત્યારે અધિકાર સહુનો રહેવાનો,

હત્યા કરી નિષ્પાપની, કેમ ઘડો લહુનો ભરવાનો ?

મૂંગા જીવ સાથે, જો પ્રેમ નશ્વર કરવાનો,

વારો આવે નહીં, કદી તવ ઈશ્વરથી ડરવાનો,

ભરો એટલું ભરે ! પેટ સ્વભાવે ક્યાં ઉદાર રહેવાનો !

તવ પાપી માટે, શબોનો કેમ બજાર સજાવાનો ?

અતૃપ્ત જીભને મોહ ષડરસનો આજીવન રહેવાનો,

તવ સ્વાર્થી માટે ભોળા જીવોનો કેમ ઉપવન ઉજાડવાનો !

થાક્યા કરી ફરિયાદ, ત્યારે લીધો નિર્ણય મૂંગો રહેવાનો,

તવ અબોલા લીધેલાને, કેવી રીતે ગૂંગો ગણવાનો ?

“રકત વહેવાનું છોડે નહિ” આ કાયમ સંતાપ રહેવાનો,

સુધર “પ્રશાંત” નહિતર, આવશે વારો પશ્ચાતાપ કરવાનો.