Library
પડ્યું છે!
પડ્યું છે!
1 min
401
ખોટો વહેમ ન રાખશો કે ભીનું મોઘમ ઝાકળ પડ્યું છે;
જરા નીરખીને તો જુઓ, ટૂંટિયું વાળીને વાદળ પડ્યું છે !
હોંશે હોંશે ગયા હતા એમની ડેલીએ, કે કદાચ ઓળખશે;
એ આંખો મીંચી ગયાં ! કહ્યું કે આંખોમાં કાજળ પડ્યું છે !
જમીનદારી હતી આંબાવાડીની, ને સંબંધોય એટલા હતા;
માવઠાએ મજા બગાડી, ખાટલે હવે ડોસું કાસળ પડ્યું છે !
આંખો હોલવાઇ, પગેય ગયા, મજા નથી રહી મુસાફરીમાં;
ચાલવાનું તોય જારી છે, મોત હજુ કેટલું આગળ પડ્યું છે ?
