ચ્હા મળશે?

ખાલી થયો છું નીચોવી જાતને, હવે ચ્હા મળશે?

ઉપાહારની ખાસ ઈચ્છા નથી, બસ સરાહ મળશે? 

વેરાન હતો જે મારગ, ત્યાં જોઉં છું ભીડ આજે; 

જવાની ઉતાવળ તો મનેય છે, થોડી રાહ મળશે? 

સંબંધો લાગે છે પાનખર સમા, વસંતની તલાશ છે;

મેઘની જરૂર નથી, બે ક્ષણ મીઠી નિગાહ મળશે?

આખરે હું હાર્યો, કારણ, કાચો હતો આ શતરંજમાં; 

'પાકા' કેમ થવાય? જાણવું છે, એક સલાહ મળશે? 

* કેટલાક શબ્દો અને તેમના અર્થ : ઉપાહાર-નાસ્તો. સરાહ- વખાણ. મેઘ-વરસાદ.