હકીકત
હકીકત
આસમાંને સિતારો જૂએ છે, રડે છે;
ભૂખ કેટલી જગાએ બિછાને પડે છે !
લોકોને ખૂબીઓ-ખામીઓ ન પૂછો;
મોતને ખામી-ખૂબીઓ થોડી નડે છે ?
કોની સાથે ખાવું, બોલવું ન કોનાથી,
સમાજો, રિવાજોમાં મડદાં સડે છે.
હસવાની સજા ને રડવાની સજા છે;
સજાઓ અહીં વાતે-વાતે મળે છે !
સાચાંને ગણાવ્યાં ફરેબી, રે માણસ !
ફરેબીને સત્યોની માળાઓ ચડે છે !
મરવામાં જફા નહીં આવે જ કોઈ,
બધી જ જફા તો જીવવામાં પડે છે.
મહેલોની રાતો અજવાળી ઘણી છે;
ઠારવા અંધારાં કશેક ભૂંગા બળે છે.
સમય છે, હશે, રેતનો જાણે કિલ્લો,
હાથોમાં આવે છે, ને સરક્યાં કરે છે !