આઈ કેન ડુ ઈટ

કોઈ કૃતિ છે હાથમાં મહત્વની ?

તો છૂટા થઈ જાઓ તેને નીપટાવી,

શું જરૂર આ બેશુદ્ધ વિલંબની ?

જયારે સમય વહી રહ્યો સોનેરી,

 

કોઈ ઈચ્છા છે મનમાં પ્રાપ્તિની ?

તો યત્ન કરો તેને સંતોષવાની,

શું જરૂર આ અર્થહીન ધીરજની !

જયારે તક સરી રહી રૂપેરી,

 

કોઈ યોગ્યતા છે તારી ઇનામની ?

તો જલ્દી હકદાર બનો તે સિદ્ધિની,

શું જરૂર આ નિરર્થક ઢીલની !

મળશે અપાત્રને મોકો તે ઝૂંટવાની,

 

પ્રશાંત “હું કરી શકીશ” કહી,

રહે સૂત્રને જીવનાસ્ત સુધી વળગી.