એક મુલાકાત આ વરસાદમાં

આવ્યો એમનો સાદ આ વરસાદમાં,

મળવાના છે તે આજ મને વરસાદમાં,

મોર ખીલે, ઢેલ ખીલે આ વરસાદમાં,

ખીલશે તું મારી સાથ આ વરસાદમાં ?

ઝૂમી ઊઠી સૃષ્ટિ જોને આ વરસાદમાં,

શું ઝૂમશે મારી સાથ તું આ વરસાદમાં ?

તું આવ દોડીને મળવા આ વરસાદમાં,

તારા વિના વાગે ટીપાંં આ વરસાદમાં,

વાછટે ભીંજાઈશું સાથે આ વરસાદમાં,

અનરાધાર પ્રેમ કરીશ તને આ વરસાદમાં,

મળી ટાઢક અષાઢના પહેલાં વરસાદમાં,

મૂક હવે વૈશાખી ગુસ્સો આ વરસાદમાં,

જો કેવા ગરજે વાદળાં આ વરસાદમાં,

તારી યાદ અપાવે છે મને આ વરસાદમાં,

ગુસ્સે થઈને વીજળી ત્રાટકી વરસાદમાં, 

તું ય એના જેવી જિદ્દી આ વરસાદમાં,

કાગડો થશે છત્રીઓ આ વરસાદમાં,

પલળશે મારી સાથ તું આ વરસાદમાં ?

જેવી મીઠી માટીની ખુશ્

Advertisement

બુ આ વરસાદમાં,

એવી મીઠી લાગે તારી ખુશ્બુ આ વરસાદમાં,

દરિયો ઊછળે ભેટવા નદીને વરસાદમાં,

આવો તો આલિંગન આપું આ વરસાદમાં,

ધરતી આભનું થયું મિલન આ વરસાદમાં,

તું હવે માની જા પ્રિયતમા આ વરસાદમાં,

આશાના છાંટા લઈ આવ્યો આ વરસાદમાં, 

ફરી મુલાકાત થશે આપણી આ વરસાદમાં ?

વાદળા ફરી રહ્યાં છે પાછા આ વરસાદમાં, 

હજી તારી રાહમાં ઊભો છું આ વરસાદમાં,

ભર્યાં છે મેં ખોબામાં ટીપા આ વરસાદમાં,

આવે તો વ્હાલથી વરસાવું આ વરસાદમાં,

મળવાની આશા પુરી થઈ આ વરસાદમાં,

છેવટે તો તું આવી જ ગઈ આ વરસાદમાં,

જો તારું ભીંજાયેલું બદન આ વરસાદમાં, 

ખીલ્યું છે પ્રકૃતિની માફક આ વરસાદમાં,

આંખોથી આંખો મળી છે આ વરસાદમાં,

આપણે બે એક થઈ ગયા આ વરસાદમાં.