એ સદાયે બાળવેશે
એ સદાયે બાળવેશે
ડોસા-ડોસીને ડહાપણની દાઢ ફૂટી,
ને મનમાં એક વાત મલકી
લે, મારું-તારું ચોકઠું મૂક બાજુમાં
હસ; બચપણ જેવું આજ છલકી,
કાલુ કાલુ બોલી ને મસ્તી કરતી,
ડોસીએ વાત હસી છેડી
ઓલા મોટાની વહુ કહેશે તમને,
આજ ડોસાની ડાગરી છટકી….ડોસા-ડોસીને..
ઉમ્મરની વાતો જ છોડ અલી ભોળી !
જો મારા આ તકલાને તાકી
ચાર વર્ષનો ! કેવો લાગું હું નાનકો,
ઝીલ,હવે આ ટકીયાને પાકી,
ડોસીને તાન ચડ્યું, બોલી એ સૂર પૂરી
લો; નાચો આજ લાકડીને છોડી
થનથન કરતાં, થઈ ગયો બાબલો ઘોડી…
દીકરો કહે, કેમ આ વાતડી રે સૂઝી ?
ડોસા-ડોસીને..
રંગીલો બાબલો લઈ આવ્યો લીપ્સ્ટીક !
વદે, લગાવી હોઠે; થઈ જા તું ગુલાબી
દૂર ચશ્માંને હડસેલી, વિસ્મયે નીરખે,
લાગતી તું હવે નાનકી મધુમતી !
ચાલ હવે રમીએ…પકડા-પકડી,
જિંદગીની ગાડી જાય ના છૂટી
હૈયું નિર્મળ, એ સદાયે બાળવેશે !
લાવ મારી લાકડી, ના જાય એ વછૂટી….
ડોસા-ડોસીને ડહાપણની દાઢ ફૂટી,
ને મનમાં એક વાત મલકી.