અમને ન ફાવે

આમ, રોકટોકથી ભમવું એ અમને ન ફાવે,

અમે, તો ખળખળ વહેતું ઝરણ,

આમ, સીધી લીટી દોરતાં અમને ન આવડે,

ઝાડ જેમ સ્થિર, હલનચલન વિના ?! સ્વપ્નેય નહીં !

અમે તો ઓલ્યા વેલની શાખ માફક ચંચળ,

આમ, મૂંઝાઈ બેસી રહેવું અમને ન ગમે,

સાપ નહીં અમે કે ડંસતા આવડે,

અમે તો પેલું વાંદરીનું માકડું,

જેના કૂદયા વિના અમને ન ચાલે,

શ્રીમંતોને તો પૈસા ને આરામ,

અમે તો ગરીબીમાં ચાલતાં મુસાફર,

આમ, અધવચ્ચે અટકવું 'વેદી' અમને ન શોભે.